Bloggfærslur mánaðarins, október 2008

Ætti að vera löngu farinn!

Minni á undirskriftasöfnun Skjá Eins á http://www.skjarinn.is

ÍSLAND Í ESB, TÖKUM UPP EVRU OG AFNEMUM VERÐTRYGGINGUNA


mbl.is Telja RÚV þurfa að fara út af auglýsingamarkaði
Tilkynna um óviðeigandi tengingu við frétt

JESSSSS!!!!!! Go Solla!

Mikið var Ingibjörg Sólrún.....

Nú á að keyra á þetta af fullu afli og koma þessu í gegn og ekkert kjaftæði. Þá fyrst verð ég almennilega sáttur við minn flokk.

En ég vil líka heyra eitthvað um hvað eigi að gera við verðtrygginguna

ÍSLAND Í ESB, TÖKUM UPP EVRU OG AFNEMUM VERÐTRYGGINGUNA


mbl.is Vill endurskoða ESB og Seðlabanka
Tilkynna um óviðeigandi tengingu við frétt

Mín samúð liggur hjá staffinu.

Ég er auðvitað ekki hlutlaus þar sem konan mín er að vinna þarna, en mín samúð liggur hjá fólkinu sem er að vinna á Skjá einum. Þau eru búin að vera að gera góða hluti undanfarin ár og hefur skjárinn verið með marga flotta og góða þætti sem ég persónulega horfi mikið á.

En því miður búum við í landi þar sem ein sjónvarpsstöð hefur forskot fram yfir aðrar. Því að RÚV fær böns af monný frá ríkinu til þess að halda sér gangandi og spreðar og spreðar en eins og það sé ekki nóg að þá eru þeir líka að kroppa af tekjum hinna stöðvanna með því að vera á auglýsingamarkaði.....hvar er sanngirnin í því?

Og þess vegna endar það með því að konan mín og fleiri missa vinnuna!

Síðan fyrir utan auðvitað það að vegna stöðu krónunar að þá kostar allt efni skjásins miklu mun meira en ella.

ÍSLAND Í ESB, TÖKUM UPP EVRU OG AFNEMUM VERÐTRYGGINGUNA

Ps: Mun hafa undirskriftina hér fyrir ofan, þangað til að allt það sem ég nefni er komið í gegn!


mbl.is Skjárinn segir öllum upp
Tilkynna um óviðeigandi tengingu við frétt

Verum gerendur ekki fylgjendur

Mikið var!

Nú verða bara allir kosningabærir menn að skrifa undir og krefjast nýrra kosninga. Ef ákveðið hlutfall kjósenda fer fram á það að þá verður að kjósa að nýju. Ég man ekki hlutfallið, kannski einhver sem man það sem commenterar á þessa færslu?

Og þá verða þessa kosningar að snúast um peningamálastefnuna, um ESB og verðtrygginguna!

Uppreisn eins og skot!


mbl.is Safna undirskriftum vegna kröfu um kosningar
Tilkynna um óviðeigandi tengingu við frétt

Eina manneskjan með viti!

Það virðist vera sem svo að Þorgerður Katrín sé eina manneskjan með viti í forystu sjallanna.

Ég held að þetta sé í eina skiptið sem ég segi "jess" upphátt er ég les eitthvað sem forystumenn sjallanna hafa sagt.

En fyrir utan það að það ÞURFI að sækja um aðild að ESB og taka upp EVRU að þá er það bráðnauðsynlegt að verðtrygging af íbúðalánum verði afnumin.

Annars enda ég gjaldþrota á næsta ári.


mbl.is Þorgerður: Taka þarf afstöðu til ESB og evru
Tilkynna um óviðeigandi tengingu við frétt

Smá fréttir og uppdeit af okkur.

Jæja.

 Ég hef ekki undir neinum kringumstæðum nennt að blogga síðustu vikur. Ekki það að kreppan sé eitthvað sérstaklega að fara með mig eða mína fjölskyldu. En það hefur bara ekkert annað komist að í fjölmiðlum og umræðum þannig að ég hef bara haldið mig til hlés.

 En af okkur er barasta allt gott að frétta. Við hjónakornin erum búin að ná að eiga góða daga saman síðustu tvær vikur eða svo. En Beta er búin að vera vinna tvöfalda vinnu frá því í ágúst, vegna þess að hún fékk það frábæra tækifæri að klippa kvikmynd og því vildum við gera allt til að það gengi upp. En ég er búinn s.s. að skipta um vinnu og er því að vinna í viku og á því frí í viku. Þá viku sem ég er að vinna erum við það heppin að eiga Diljá systur hana Betu að, því að hún hefur gjörsamlega bjargað okkur á meðan þessu verkefni stóð, en hún bjó hjá okkur þá vikuna og passaði Gúu Dögg.

 En nú er s.s. búið að vera smá pása í þessu verkefni hennar og því höfum við náð góðum tíma saman fjölskyldan.

En konan mín er greinilega fær í því sem hún er að gera, því að í kjölfarið á þessu er búið að biðja hana að klippa heimildarmynd. Það er reyndar á allt öðrum forsendum heldur en hitt verkefnið og því mun auðveldara að samræma fjölskyldulífið og vinnuna. En það er virkilega frábært að hlutirnir séu að ganga svona upp hjá henni.

 Varðandi mig, að þá er ég bara hress. Ég er að bögglast við að læra dönsku svo að ég geti farið í inntökuprófin í Danmörku nú í vor og gengur það svona ágætlega.

 En þá að því sem sem skiptir mestu máli: Gúa Dögg Matthíasdóttir blómstar gjörsamlega. Hún er hjá æðislegri dagmömmu, henni Sissu og fílar það gjörsamlega í botn. Litla daman mín sem er ekkert lítil lengur er farin að hlaupa um og láta hafa aðeins meira fyrir sér, sem er bara gaman ( oftast nær ) Einnig er hún farin að tala ( ekki alveg á fullu ) en hún er komin með smá orðaforða og er að byrja á því að tengja saman orð. Orðið meira er í miklu uppáhaldi, sérstaklega við matarborðið.

 Ég er líka búinn að vera nokkuð virkur á facebook síðustu daga, gaman að "hitta" fólk sem maður hefur ekki "hitt" lengi og aðeins að konnekta.

 Síðan að lokum

 

ÍSLAND Á AÐ GANGA Í ESB OG TAKA UPP EVRU!!!!


Innskráning

Ath. Vinsamlegast kveikið á Javascript til að hefja innskráningu.

Hafðu samband