Góður maður kvaddur

Sr. Pétur Þórarinsson sóknarprestur í Laufási lést í gær. Vil ég nota tækifærið og votta hans nánustu aðstandendum og þeim sem syrgja hann, mína samúð. Ég læt hér fylgja með textann að sálminum sem hann samdi, sem ég veit að er uppáhaldssálmur margra .m.a. minn.

 Í bljúgri bæn.

Í bljúgri bæn og þökk til þín,
sem þekkir mig og verkin mín.
Ég leita þín, Guð leiddu mig
og lýstu mér um ævistig.

Ég reika oft á rangri leið,
sú rétta virðist aldrei greið.
Ég geri margt, sem miður fer,
og man svo sjaldan eftir þér.

Sú ein er bæn í brjósti mér,
ég betur kunni þjóna þér,
því veit mér feta veginn þinn,
að verðir þú æ Drottinn minn.

Andlát: Pétur Þórarinsson

Athugasemdir

[Jón Steinar Ragnarsson, 3.3.2007 kl. 11:59]

Oft getur innblástur og einlæg orð hjálpað hrjáðum sálum og þannig geta verk manna borið ávöxt út yfir gröf og dauða.

Þetta er eitt dæmi um það. Guð blessi minningu þessa góða manns.